22º Curtocircuíto
Dende hai unha década, a campaña visual do festival tivo como leitmotiv os lugares remotos e os territorios por descubrir. A xungla, o deserto, o cosmos, as zonas volcánicas ou mundos de fantasía… Todos eles foron unha metáfora do espírito explorador que desde os seus inicios guiou a Curtocircuíto: investigar, descubrir e mostrar o talento emerxente e as novas linguaxes, xa non só cinematográficas senón audiovisuais.
O cartel de Curtocircuíto 2025 mergúllanos nunha paisaxe vibrante onde o verán latexa en cores líquidas. Os amarelos solares, vermellos intensos e violetas difusos evocan calor, fondo mariño e soños en combustión lenta. A textura analóxica e o uso do verde como pulso vital suxiren unha natureza mutante, entre o onírico e o real. O deseñador vasco Eenyakee volve a crear a imaxe de Curtocircuíto, nesta ocasión, evocando o verán pero, como sempre, sen ilustrar, senon suxerindo, deixando un ezpazo para que a mirada do espectador constrúa o seu propio relato.
.svg)
.svg)
.gif)
