En 2018, un incel (é dicir, un solteiro involuntario) publica unha nota de suicidio na plataforma Reddit co título «América é responsable da miña morte». A mecánica dos fluídos é un intento de atopar respostas ás súas palabras. Unha deriva virtual por Internet na procura das súas pegadas dixitais que acaba por se converter nunha viaxe interior entre dúas soidades conectadas.

Unha muller soña co criptógrafo estadounidense Hal Finney. Unha grave crise económica afecta o mercado das criptodivisas, decenas de miles de persoas están crioxenizadas á espera dun futuro mellor. Están suspendidos ou caendo ao baleiro? Que estraña relación temos co futuro?

Pol ten 21 anos e vive coa súa avoa. Soña con vivir en Miami e gañar +10k ao mes. Asiste a eventos de crecemento persoal, segue a coaches en liña e inviste en criptomoedas. Pol non sabe que día nin a que hora acadará por fin os seus obxectivos e se converterá na mellor versión de si mesmo. O úinco que sabe é que algún día o conseguirá.