Xurado Cosmos

Valeria Mata

Valeria Mata é antropóloga social. Escribe e investiga sobre os cruzamentos entre as prácticas artísticas e a antropoloxía, a dimensión política e cultural da comida, e os imaxinarios sociais da viaxe. Compartiu obradoiros e organizou grupos de estudo e exploración ao redor destes temas. Publicou Plaxie, copie, manipule, roube, reescriba este libro (2018) e Todo o que se move (2020).

Guilherme Blanc

Guilherme Blanc é Director Artístico de Batalha Centro de Cinema e comisario de cinema independente e imaxes en movemento. Anteriormente foi Xefe de Arte Contemporánea do Concello do Porto. É profesor de cinema na Universidade Católica Portuguesa.

Jara Yáñez

Directora da revista Caimán Cadernos de Cinema desde xaneiro de 2022, traballou nesa publicación desde a súa fundación como Cahiers du cinéma - España en 2007. Exerce desde 2014 como profesora no mestrado en Crítica de Cinema da ECAM e é colaboradora habitual do programa Historia do noso cinema de TVE. É autora de varios libros e de textos para libros colectivos como os dedicados a Isabel Coixet, Pilar Miró ou Bong Joon-ho, entre outros. Formou parte do comité de programación de DocumentaMadrid en dúas etapas (de 2009 a 2011 e de 2017 a 2019) e colabora co comité de selección de curtametraxes do Festival de Alcalá de Henares desde 2011. O seu interese particular polo ensino e pola divulgación do cinema levoulle a comisariar dous ciclos de audiovisual para nenos no marco do programa Museocinema do Museo Nacional Centro de Arte Reina Sofía e colabora asiduamente coa plataforma educativa Platino Educa e co programa EducaFilmoteca. O seu compromiso coa introdución da perspectiva de xénero na crítica e na análise cinematográfica arrinca coa publicación do libro Feminino plural (editado xunto a Andrea Morán en 2017) e reflíctese en moitos dos seus textos.

Peter Taylor

Peter Taylor (Belfast, 1974) é comisario de cinema e, desde 2015, director do Berwick Film & Media Arts Festival (BFMAF). Traballa para promulgar ideas plurais e descentradas das artes contemporáneas e cinematográficas, as súas historias e a súa exhibición. Antes de traballar en Berwick, Peter residía en Róterdan, onde traballou como programador no Festival Internacional de Cinema de Róterdan e WORM (2005 - 2016). Ademais de dirixir a programación do BFMAF, actualmente forma parte do consello asesor do Centre for Screen Cultures da Universidade de St. Andrews e en 2023 foi mentor de Cinema in Transition, 3-ACT Myanmar. En 2021-2 comisarió “Barbed Wire Love: Artists, filmmakers and their North of Ireland Troubles” con Myrid Carten para o Glasgow Short Film Festival. Peter foi asesor de programas do European Media Arts Festival e formou parte dos xurados dos premios Jarman de Cinema de Londres e Jerwood/FVU, así como do Festival de Curtametraxes de Hamburgo, Indie Lisboa, Open City Documentary Festival, Sheffield Doc/Fest e, máis recentemente, do Festival Internacional de Cinema de Costa Rica e o Diagonale Festival des Österreichischen Films.

Caroline Maleville

Caroline Maleville é licenciada pola Universidade de París 8 e pola Escola de Cinema A Fémis. Tras varias experiencias en distribución e institucións cinematográficas, incorporouse á Cinemateca Francesa en 2005. Como responsable de programación desde 2009, organizou regularmente eventos dedicados ao cinema innovador contemporáneo. Ademais das súas colaboracións co Festival de Cinema de Locarno, co FEMA da Rochelle e co Entrevues en Belfort, tamén é membro de varios comités de lectura de guións en toda Francia e para a Arte France Cinéma. Desde 2022, tamén forma parte do comité de selección da Quincena de Realizadores de Cannes.

Xurado Planeta GZ + Supernova

Nuria Vil

Nuria Vilán Prado (Santo André de Comesaña, Vigo, 1993). Resitadora. Máis coñecide como Nuria Vil nos circuítos escénicos. O seu traballo artístico, eminentemente oral, céntrase en levar a poesía máis aló da escrita e busca hibridar a palabra con formas de arte experimental e performática cun discurso marcado pola vindicación social. Vén de estrear a curtametraxe "Delincuente" na Mostra Internacional de Cinema Ambienta no Teatro Principal de Pontevedra; baseada no seu poema homónimo arredor da historia obreira da cidade de Vigo, foi dirixida por Alba Domínguez e conta co arquivo en Super-8 cedido por Manoel da Costa. Este mesmo ano forma parte do espectáculo multidisciplinar "Indóciles" a carón de Mónica de Nut e Vero Rilo e tamén estrea a performance "Declaro deserto" no Festival Performa, unha peza na que mestura saxo tenor e palabra falada para levar a escena textos do seu Simún (Ed. Chan da Pólvora, 2021). Foi gañadore da Bolsa Ensaia 2022.

BFlecha

BFlecha é unha compositora, cantante e produtora galega, co-fundadora xunto a Mwëslee do selo independente Arkestra Discos. Pioneira na escena electrónica iberoamericana leva máis dunha década fusionando sons vangardistas e instinto pop. Desde o seu debut con "Beta" (2013), a súa evolución fíxose evidente en "Kwalia" (2017) e alcanzou o seu punto álxido en "ExNovo" (2021), onde explora a relación entre o físico e o virtual, mesturando timbres orgánicos con texturas dixitais. Ademais dos seus discos, destaca a súa incursión na composición musical en obras da cineasta Diana Toucedo, "Camille & Ulysse" (2021) producida polo CCCB e o Centro Pompidou e "Tatuado nos ollos levamos ou pouso" (2022). O seu traballo foi destacado en medios como Estafe Magazine, Buzzfeed e Fader, consolidándoa como unha figura crave do pop dixital no noso país. Actualmente atópase traballando no seu seguinte proxecto que verá a luz próximamente.

Catarina Boieiro

Catarina Boieiro traballa en proxectos de edición, programación, produción e investigación ao redor da imaxe documental, das políticas da memoria e da creación contemporánea á marxe dos circuítos hexemónicos do cinema. Estudou Teoría da arte e Cultura Visual, cunha mestría na Escola de Estudos Superiores en Ciencias Sociais de París. Actualmente é coordinadora de proxectos e edicións de Doc’s Kingdom – International Seminar on Documentary Film, en Portugal. Foi comisaria da exposición Resistencia visual xeralizada: libros de fotografía e movementos de liberación con Raquel Schefer, no Instituto Nacional de Historia da Arte (París), Galerías Municipais (Lisboa) e Cinema Batalha - MICAR (Porto). Integrou Stenar Projects, plataforma dedicada á produción e á distribución de películas de artistas como Ana Vaz, Filipa César e Deborah Stratman, entre outras. Participou en encontros, conferencias e residencias no Festival Punto de Vista, Les Rencontres d’Arles, LE BAL, Lle Fresnoy e o Encontro Cinema Leito.

Xurado Novo

Inma Veiga

Inma Veiga naceu en Parga (Lugo) en 1995. Estudou o Grao en Son e Imaxe na ESAD (Portugal) e especializouse en Cinema Documental no Instituto Politécnico do Porto. O seu filme, Brthr, foi seleccionado como Mellor Curtametraxe de Escolas Portuguesas no Festival Internacional Queer Porto e recibiu unha mención honorífica no Porto FEMME. No ámbito profesional, dedícase á videocreación e ao deseño gráfico de forma independente, así como ao djing. O seu traballo explora temas de identidade e xénero, enfocándose en narrativas que abordan cuestións sociais e persoais desde unha perspectiva crítica e sensible.

Xoán Vázquez González

Nacín na Coruña e estudei Comunicación Audiovisual en Santiago de Compostela porque me gustaban a fotografía, o cinema e as historias. En 2022 comecei, con outro compañeiro, a organizar o Club de cine Facom, no cal proxectamos filmes semanalmente e organizamos charlas e obradoiros de vez en cando.

Xiana Rei

Santiago de Compostela, 1997. Guionista, humorista e firme defensora do final de Lost. Graduouse en Comunicación Audiovisual na USC e posteriormente cursou un mestrado en Creación de Guións Audiovisuais e o Máster en Produción Xornalística e Audiovisual (MPXA) na modalidade de produción, onde a base de enfrontarse a facer pitchs audiovisuais, decidiu dar o salto a facer stand up comedy. Comezou as súas andanzas no audiovisual coa curtametraxe "Húmida Compostela" (2016), gañadora do premio Outra Compostela no Fetsival Internacional de Cine Curtocircuito, traballou coma redactora en televisión e o seu traballo máis recente é como coguionista na curta "Trastos. Un día na vida de Persoa Maceta Lámpada" dirixida e coescrita por Javier Blanco e seleccionada no Festival de Cine Curto de Ribadeo.

Arón Arias Dono

Lugo, 1998. Graduado en Comunicación Audiovisual, especialízase no ámbito do son para audiovisual xa durante a propia carreira, realizando diferentes proxectos e experimentando coas distintas posibilidades do mesmo. A parte disto tamén se interesa polo mundo cinematográfico desde outros puntos de vista participando en iniciativas coma o xurado de xuventude do Festival de San Sebastián (2022) ou o Cineclube de Compostela, do cal continúa a formar parte actualmente. Paralelamente, tamén desenvolve un proxecto musical, baixo o nome artístico de Remora, a través do cal pretende explorar os diferentes xéneros e possibilidades da música club/electrónica experimental, tanto nunha faceta de productor coma de DJ.

Celia Eiras

Graduada en Xornalismo e Comunicación Audiovisual pola USC. Foi editora da revista Balea Cultural, medio no que escribiu crítica de cinema, televisión e música, e a través do cal colaborou en Sermos Galiza e O Salto Galiza. Tamén colaborou no Diario Cultural Zeta da Radio Galega e foi unha terceira parte do podcast Violentos Anos Vinte, centrado na análise e discusión arredor da música galega. Actualmente traballa na televisión como redactora de programas. Ademais, dedica os ratos libres a ir a todos os concertos e festivais posibles, a facer de DJ para as amizades e a ocupar sempre o mesmo asento na Sala Numax (fila 6, butaca 5).