Laura Mahía (Santiago de Compostela, 1995) é directora, ilustradora e animadora. Comezou a súa traxectoria no mundo da animación á fronte da serie infantil ‘Bechos’, emitida pola Televisión de Galicia. Posteriormente, liderou tamén a dirección e a arte de ‘Bibopalula’, unha serie musical en galego dirixida á infancia, producida por Undodez e emitida na TVG. Tamén traballou como ilustradora en campañas publicitarias para marcas e entidades como Gadis, Deleite ou a Deputación da Coruña, así como no deseño gráfico do festival Castelo Conta.

Maracay, Venezuela, 2004. No 2021, emigra a España para levar a cabo os seus estudos de Comunicación Audiovisual na Universidade de Santiago de Compostela. Desde fai un añou, forma parte do equipo organizador do Club de Cinema Facom, unha iniciativa do alumnado da Facultade de Ciencias da Comunicación onde se realizan proxeccións semanais de filmes e coloquios. Además, o Club de Cinema organiza charlas, trae convidados pertinentes ao área audiovisual e colabora con outras iniciativas santiaguesas audiovisuais como Curtocircuíto.

Estudante de realización na escola de imaxe e son da Coruña e cinéfilo empedernido. Leva toda a vida sentindo paixón por ver cine, cine que o levantou nos seus peores momentos e cine que o transformou coma persoa, co cal trata de expresarse tamén a través deste medio tan persoal, adicándose a crear curtametraxes aínda de carácter aficionado que espera cos seus estudos poidan tornar profesionais. A súa obsesión por este medio lévao a exploralo todo o posíbel, vendo e aprendendo todo canto poida, comprendendo a función do tempo dentro da narración visual con Tarkovski ou a máxima expresión do amor nostálxico a través da imaxe de Wong Kar Wai.

Vera Moreno (Pontevedra, 1997) é artista multidisciplinar, DJ e cofundadora de Tr3mor, unha das primeiras festas queer nadas en Compostela, referente pola súa proposta inclusiva e a súa curaduría musical e visual. Con formación en Belas Artes, a súa sensibilidade nútrese dunha educación atravesada polo cinema, a fotografía e a música. Ademais do seu percorrido como dj (Bold G), traballou como axudante de dirección en varios proxectos audiovisuais e recentemente co-dirixiu o seu primeiro videoclip oficial: “Como un can”, de Kid Mount. A súa mirada como xurado combina intuición artística e experiencia en distintas escenas culturais.

Santiago de Compostela, 2004. A súa afección á fotografía e o cinema levouna a estudar comunicación audiovisual na USC, estando na actualidade no último curso do grao. Desde hai dous anos forma parte do equipo coordinador do Club de Cinema Facom, no que se proxectan películas semanalmente e organízanse outras actividades como charlas, coloquios e talleres que complementan as sesións.