Esta competición aglutina as producións galegas que Curtocircuíto considera máis arriscadas e interesantes, ao tempo que intenta conformar un conxunto que represente a heteroxeneidade da escena galega.
Ler máis Ver menosDuración: 94m 02s
Ángel Montero Vázquez
Eu máis é unha vivencia, unha sensación, a evocación dun soño onde as voces e os corpos se perden e atopan na natureza, no tempo. Eu máis é unha viaxe ao primitivo, unha pregunta aos animais, un intento de atravesar o medo e fundirme con todo para intentar amosar aquilo que non podo dicir.
Eloy Domínguez
Na provincia de Ourense festéxase cada ano unha das formas máis antigas do Entroido. Ao longo de varios días celébranse folións, farrapadas, corredoiros e baixadas con felos, cigarróns, pantallas e peliqueiros. Os singulares festexos, alumeados con fachos e acompañados do estrondo de tambores, fílmanse de xeito envolvente neste documental. As multitudinarias escenas nocturnas, con aglomeracións de xente, adquiren un significado adicional ao saber que esta celebración tivo lugar a finais de febreiro, só dez días antes do primeiro caso confirmado da Covid-19 en Galicia.
Xacio Baño
Unha luz acéndese. Son escorregadizos e difíciles de ver. Habitan onde nada é, alá no fondo.
Judith Adataberna
A través da memoria deteriorada da miña avoa, paseo polos seus vellos traumas ao tempo que subo unha montaña pola noite e en plena tormenta de neve. A miña avoa de 99 anos fala soa no cuarto, repite decontino historias da súa infancia, pero xa non recorda o que pasou hai 20 anos. As lembranzas do medo infantil prevalecen por riba da vellez e o esvaecemento da memoria. A morte da súa nai con 4 anos e mais o abandono que lle provoca son aínda un vestixio dunha arquitectura emocional que non se borra ante a demencia. En pleno temporal de neve recapacito sobre isto, sobre estar soa e ter medo; as voces doutras mulleres resoan na montaña.
Alejandra Pombo Suárez
Cando te desmaias caes nun buraco, do que volves despois dun breve período de tempo, e experimentas a realidade coma se a descubrises por primeira vez. Cando hai un buraco, algo está a piques de emerxer. Sempre que aparece un buraco, créase unha superficie. Desmaiarse é o mesmo que namorarse. Unha historia de amor coma un queixo Gruyère.
Berio Molina
Unha emisora de radio (Radio Cu Cu) recolle imaxes de cámaras de videovixilancia de Internet sobre as que superpón o seu propio audio. As imaxes veñen de todo tipo de lugares: casas de baño y spa, fogares, rúas, fábricas, emisoras de radio, tendas, edificios… O equipo da radio expón as súas dúbidas sobre o uso deste tipo de imaxes, así como da identidade de quen aparece.
