Penínsulas

Dous homes miden a altura dos piñeiros. Unha muller escoita o que as árbores din. Os nenos e nenas da vila montan tendas de campaña. Unha nube de puntos dixital revela o bosque. Os piñeiros dixeron que podemos preguntar. Sempre chamaron ese lugar «O Paraíso». Axiña virán as máquinas.

Na súa fuxida, M. refúxiase nunha casa abandonada. Entre o retumbar dos seus intentos por acomodarse ao lugar, distingue unhas pegadas no exterior que o incitan a abrir a porta. Un fortuíto visitante, que se converterá no seu compañeiro de refuxio, entra na casa.

Future Foods achéganos aos talleres de Replica LTD en Londres, unha fábrica de comida de plástico que realiza attrezzo para cine, publicidade e escaparates. A percepción da comida e a súa palatabilidade a través dunha imaxe construída entra en xogo ao observar estes procesos artesanais a través da cámara. Unha conversación de teléfono introdúcenos unha start-up finlandesa. O seu CEO preséntanos unha tecnoloxía de última xeración na produción de comida, a proteína Solein creada a partir de auga, electricidade e secuestro de CO₂.