#programación

Menú

Longas x Curto

Creada en 2020, esta sección paralela está adicada a amosar algunhas das longametraxes máis interesantes do realizadas por autoras que o festival seguiu desde os seus inicios. Nesta decimoctava edición, Longas x Curto reúne tres apostas radicalmente diferentes de cineastas que abordan a ficción y o documental desde propostas incisivas e formalmente arriscadas. Desde a ficción histórica de Helena Girón e Samuel M. Delgado, que relata as desventuras duns mariñeiros fuxidos coas velas de Colón nas Illas Canarias, ata o repaso punk (en fondo e forma) de Kikol Grau á escena musical dos últimos corenta anos á que aínda lle doen as cicatrices do franquismo; ou a ópera prima de Erin Vassilopoulos, un thriller psicolóxico que se move entre referencias velvetienas ao David Lynch ou unha stoner movie, e onde dúas irmás xemelgas mesturarán as súas vidas nunha viaxe estática ao interior dos seus medos; nunha sección que pecha Guillermo Benet, cunha longametraxe inspirada en aquela curta seleccionada en Curtocircuíto 2018, nun asfixiante formato cadrado que reconstrúe o recordo borroso dunha noite de desaloxos e disturbios para abordar temas como a lealtada, a pertenza de grupo e a verdade. 

Ler máis Ver menos
NUMAX

Duración: 94m 00s

Las cuatro esquinas y Madrid

As catro esquinas e Madrid

Kikol Grau

  • 2020
  • 94:00
  • España
  • DOC
  • COR, B&N

A historia do punk non pode ser explicada máis que como xurdiu: collendo o que se pode de entre os refugallos, neste caso de YouTube e a cultura de masas, nun exhaustivo percorrido por comunidades (Andalucía tamén, por suposto) que nos sacode, que nos revolve e que nos deixa coas pilas postas a base de golpes de guitarra e letras coma cuspidelas. Historia que Kikol Grau artella ao redor dunha sátira na que Poltergeist ou A guerra das galaxias serven de vudú fílmico para explicar estoutro gran vertedoiro que deu lugar ao punk: o que deixou o franquismo, este que a transición varreu baixo da alfombra.