Explora

Terra Australis Incognita é un proxecto experimental sobre a Antártida. Baséase en imaxes aéreas de arquivo producidas pola Mariña dos Estados Unidos durante unha serie de misións diferentes ao longo da segunda metade do século XX. Mediante a xustaposición dos arquivos da US Navy coas imaxes atopadas e a modelaxe en 3D, o documental pretende reflexionar sobre este proxecto colonial territorial e comprometerse criticamente con el.

45 millas de lonxitude, 20 millas de anchura e, no seu nivel máis profundo, 76 pés no centro do pozo, o lago Saltón era o lago interior máis grande de California. A Mariña dos Estados Unidos comezou a utilizar o lago Saltón no ano 1939 para realizar avaliacións do rendemento dos hidroavións e en 1944 comezaron a lanzar as primeiras bombas atómicas de proba sobre el.

Tadu Baki vai detrás de si mesmo a través da selva e atópase nun vaso de auga.

No ano 1924 desentérrase un fósil de crinoideo mariño preto do cume do monte Everest ao mesmo tempo que desaparece un famoso montañeiro británico e morre un líder soviético. A simultaneidade é o punto de partida dunha narración sobre a transformación da materia. Nun vasto movemento, as substancias metamorfoséanse, as escalas e as temporalidades superpóñense e os corpos humanos aniñan nas profundidades dos grandes procesos terrestres.

Pseudosphynx é o nome científico das eirugas de lume que axiña se converten en bolboretas, ou como se denominan comunmente (e con bos agoiros): bruxas. A Pseudosphynx é ao mesmo tempo sphynx (esfinxe), unha monstruosidade ctónica inhumana que formula adiviñas, e pseudo, que se refire ao artificial, falso, enganoso, irreal, ilusorio e mimético. Pseudophynx mantén oculto o seu significado, coma un segredo gardado por quen conservan nas súas retinas a impresión háptica da súa loita.