Criaturas

A cámara sobrevoa unha desolada paisaxe cósmica e descende cara unha procesión de estrañas criaturas, posiblemente extraterrestres. O capataz do grupo elixe un lugar adecuado e toda a colonia en multiplicación comeza a escavar un pozo. Atópanse con varios desastres naturais que arruínan os seus esforzos, mais os colonos sempre se erguen das ruínas e continúan co seu traballo. Simpatizamos inequivocamente... ata o momento en que regresamos da paisaxe espacial á vida cotiá das persoas.

Un neno e un ganso que son amigos atópanse embarcando nunha viaxe de aventura e liberdade.

As cores e os sons comparten unha danza sonora nesta festa para os sentidos.

Un tímido caracol, marcado por un trauma infantil, pasa o tempo agochado na súa concha, onde se creou unha versión imaxinaria do mundo exterior. Tras un encontro casual co amor, terá que afrontarse aos seus medos e descubrir as marabillas da realidade.

Unha mañá, un tipo menudo, Bob, comeza a traballar na axencia espacial. Cando ve que a nave espacial despega, Bob é alcanzado por un miesterioso raio e comeza a crecer. O problema é que ese crecemento non se detén.

Un ambicioso montañeiro intenta alcanzar un cume imposible. Unha muller proponse conquistar unha modesta cima. Ambos os dous porán o máximo empeño niso con resultados moi diferentes.

Na sabana, un grupo de estraños animais xogan ás escondidas. Parecen xirafas, pero sen pescozo. De súpeto, a Gerda médralle un pescozo longo. Despois da conmoción inicial, o grupo reanuda o seu xogo, pero Gerda ten dificultades para agocharse. Cando as nubes aparecen e cobren o pescozo de Gerda coma unha bufanda, Gerda perde de vista ao grupo. Comeza o verdadeiro xogo ás escondidas...